2. పోరాడితే పోయేదేమీ లేదు, బానిస సంకెళ్ళు తప్ప. ప్రత్యేక హోదా ఇస్తామన్న వాగ్దానంతో పవర్లోకి వచ్చిన ప్రభుత్వం అది ఇచ్చి తీరాల్సిందే. లక్ష కోట్లు ప్యాకేజీ ఇస్తామంటున్నారు, అది ప్రత్యేక హోదా కంటే గొప్పదని మభ్య పెట్టే ప్రయత్నం చేస్తున్నారు. ఆంధ్రులు అంత తెలివి తక్కువ వాళ్లు కాదు. వాళ్లనుకునే గొప్పది మాకొద్దు. మేమనుకునే గొప్పదే మాకు కావాలి. ప్రత్యేక హోదాయే కావాలి. అదొచ్చే దాకా ఉద్యమించాలి. ఢిల్లీని ముట్టడించాలి. "చలో ఢిల్లీ" అని బయలుదేరి పోలీసులు ఏ రాష్ట్రంలో ఆపేస్తే అక్కడ గాంధీ మార్గంలో ఆందోళణ చెయ్యాలి. వ్యవస్థని స్థంభింపజేయాలి. అంత నష్టాన్ని భరించలేక కేంద్రం ప్రత్యేక హోదా ఇస్తుందంతే. ఒకటి రెండు రాష్ట్రాలకి ప్రత్యేకహోదా ఇవ్వడం వల్ల టేక్సులు రాని కారణంగా వచ్చే నష్టం కన్నా, ఇలా నిత్యం ఉద్యమాలతో వ్యవస్థ స్థంభించడం వల్ల కలిగే నష్టమే ఎక్కువ అనేది కేంద్రానికి అర్థమయ్యేలా చూపించాలి. ఇలా చేస్తే ఏ.పీ కి ప్రత్యేక హోదా తథ్యం.