బావి కప్ప పిల్లాడు : నాన్నా! మంచి వార్త. బోర్ పంపు చెడిపోయింది. బావి నీరు తరగదు!!
బావి కప్ప నాన్న : బోర్ పంపును రిపేర్ చేయిస్తారు! ఆ తర్వాత?
బావి కప్ప పిల్లాడు : కరెంటు సప్లై కూడా ఆగిపోయింది, రిపేర్ చేసినా లాభం లేదు!!
బావి కప్ప నాన్న : ఐతే సెలిబ్రేట్ చెయ్యాల్సిందే!!

పుచ్చుపురుగు - 1 : నోరు, వంకర పెట్టావ్, ఏవైందీ?
పుచ్చుపురుగు - 2 : వంకాయ భలే చేదుగా వుంది... వ్యాక్!!

గూటి చిలుక : అయ్యో పాపం, మీ యజమానురాలు, నిన్ను చితక బాది, రెండ్రోజులు తిండిపెట్టక మాడ్చిందా? ఏం చేశావ్?
పంజరం చిలుక : వాళ్ళాయన, గోడకు తగిలించిన చొక్కాలోంచి డబ్బు కాజేసింది!
గూటి చిలుక : ఆ సంగతి వాళ్ళాయనతో చెప్పావ్... ఔనా?
పంజరం చిలుక : ప్ ఛీ... వాళ్లత్తతో చెప్పాను!!

నీటి గుఱ్ఱం అమ్మాయి : నాన్నా... నేను స్నానం చేస్తుంటే తొంగి చూస్తున్నాడు నాన్నా!
నీటి గుఱ్ఱం తండ్రి : ఎవడు వాడు, వాడి కళ్ళు పొడిచేస్తాను!
నీటి గుఱ్ఱం అమ్మాయి : నీ వల్ల కాదు నాన్నా, వాడ్ని తరిమి పట్టుకోనూ లేవు, వాడి కళ్ళు పొడవా లేవు! వాడు జిరాఫీ నాన్నా!!

క్రిష్ణ బొచ్చె - 1 : మనం త్వరలో ఏ పులుసులోనో తేల బోతున్నాం! ఏ నూనెలోనో వేగ బోతున్నాం! ప్చ్!
క్రిష్ణ బొచ్చె - 2 : పిచ్చిపిచ్చిగామాట్లాడకు! ఏవైందనీ?
క్రిష్ణ బొచ్చె - 1 : మనం వలలో చిక్కుకున్నాం బ్రదర్!!