మన ప్రేమ
ఆకాశంలో
మబ్బులు సాక్షిగా
సముద్రపు
తీరం సాక్షిగా
గాలిలో ఎగిరే
పక్షుల సాక్షీగా
పువ్వులపై వాలే
తుమ్మెదల సాక్షీగా
ఇసుకలో కట్టిన
బొమ్మల సాక్షీగా
మనం తడిసిన
వర్షం సాక్షిగా
మన ప్రేమ నిత్యం
-కయ్యూరు బాలసుబ్రమణ్యం
……
తెలుసుకో మిత్రమా
కాలానికి అలుపు లేదు గెలుపు తప్ప
సెకనుల నుండి నిమిషానికి
నిమిషాల నుండి గంటకి
గంట నుండి రోజుకి - అదే పయనం
చీకటిలో వెలుగును - ఓటమిలో గెలుపును
ఆవేశంలో ఆలోచనను - మౌనంలో మాటను
అర్ధం చేసుకో మిత్రమా
నీ గమ్యం స్థిరం
నీ మార్గం ఖచ్చితం
నీ జీవితం ఆనందమయం
అందరికి నూతన సంవత్సర శుభాకాంక్షలు
దువ్వి రాజేష్
