కాకూలు - సాయిరాం ఆకుండి

	దుష్టాచారం కాలం మారినా గానీ కట్నమనే... దురాచారం ఇంకా బతికేఉంది! శాసనాలు చేసినా సరే మారలేదే? అబలల ఆక్రందన వినబడుతోంది!!

ఫర్ ఎవర్ ప్రజాస్వామ్య భారతానికి... అరవై ఏళ్ళు నిండినా! బడుగుజీవిపై పెత్తనానికి... ముగింపు ఉందా ఏనాటికైనా?

	స్వయంకృతం జీవ వైవిధ్యం కనుమరుగౌతోంది... ప్రకృతి సమతుల్యం దెబ్బ తింటోంది! కాలుష్యంతో పెరిగిపోతున్న భూతాపం... మేలుకోకుంటే ముందుతరాలకు ఆశనిపాతం!!