తొమ్మిదవ తరగతిలో ఇంటర్వెల్ సమయాన "దీపావళి పండుగ మేము జరుపుకోవడంలేదు " బాధగా అన్నాడు అనిరుద్ "మూడు నెలల క్రితం మీ తాతయ్య చనిపోయినందుకా " అడిగాడు ప్రణవ్
“ అవును ప్రణవ్ "
"ఆ మాటే మా అమ్మ చెప్పింది .దీపావళి రోజు నిన్ను మాయింటికి పిలుచుకొని రమ్మంది అనిరుద్ "
" కరోనా సమయంలో బడికి పంపడానికి భయపడుతూ పంపారు .ఎవరింటికి పోకూడదని మా అమ్మానాన్న హెచ్చరించారు ప్రణవ్ "
" నీవు రావని నాకు తెలుసు ... మా అమ్మ నిన్ను పండుగ రోజుభోజనానికి పిలవమని చెప్పడం వల్ల పిలుస్తున్నాను .నువ్వు వచ్చావంటే మనమిద్దరం సరదాగా గడపవచ్చు "
",కరోనా సమయంలో అడిగినా ఎవరింటికి పంపరు. అడిగి ప్రయోజనం లేనప్పుడు ఎందుకు అడగాలి. ఆంటీకి సారీ చెప్పు ప్రణవ్ "
" మా అమ్మకు నువ్వు చెప్పిందే చెబుతాను .ఇప్పుడు మీ నాన్నమ్మకు ఎలా వుంది అనిరుద్ "
" కరోనా వ్యాధి తగ్గుముఖం పడుతుందని చెబుతూ మరోవైపు ఎనభై ఐదు సంవత్సరాల వయసు అయినందువల్ల ఏమైనా జరగవచ్చని డాక్టర్లు చెబుతున్నారు ప్రణవ్ "చెమ్మగిల్లిన కళ్ళతో అన్నాడు.
*** *** ***
దీపావళి రోజు ఇంటిముందు ప్రణవ్ రాకెట్ వెలిగించే సమయాన "పక్క వీధిలో మన అనిరుద్ వాళ్ళింట్లో చాలా టపాకాయలు సంతోషంతో కాలుస్తున్నాడు. " అంటూ హనీష్ చెప్పాడు .
ఆ మాటలు వినగానే ప్రణవ్ ఆశ్చర్యపోయాడు, " తాతయ్య చనిపోయి మూడు నెలలు కాలేదు. ఈ సంవత్సరం దీపావళి పండుగ ఇంట్లో జరగదని’ నాతో చెప్పాడు "
"మన ఊరిలోనే అన్ని టపాకాయలు కాల్చిన వారెవరూ వుండరనుకొంటాను . ఆ వీధి వారందరూ సినిమా చూస్తున్నట్టు అక్కడే చూస్తూ ఆనందిస్తున్నారు " ప్రణవ్ వెంటనే వెళ్లి అడగాలనుకొన్నాడు.
"అమ్మా నేనుఅనిరుద్ ను భోజనానికి మనింటికి పిలుచుకొని వస్తాను "
"వాడి తల్లితండ్రులు పంపరని చెప్పాడుగా "
"ఒక సారి అడిగి వస్తానమ్మా "అన్నాడు ప్రణవ్
" ముఖానికి మాస్క్ వేసుకొని వేళ్ళు "అంటూ హెచ్చరించింది తల్లి
"అలాగే అమ్మా...." అంటూ మాస్క్ ధరించి అనిరుద్ ఇంటికి వెళ్ళాడు . అనిరుద్ ను చూసి ఆశ్చర్య పోయాడు .సంతోషంతో ఉత్సాహంతో టపాకాయలు కాలుస్తున్న అనిరుద్ ను చూడగానే ప్రణవ్ నందు కోపం పెరిగింది
“ఎరా పండగే జరపనాన్నావు ఈ ఊరిలో అందరికన్నా గొప్పగా జరుపుతున్నావు "కోపంగా అడిగాడు
"ఔను ప్రణవ్ ఈ రోజు మాకు చాలా గొప్ప పండుగ జరపకుంటే ఎలాగా " అన్నాడు చిరునవ్వుతో
" మీకే కాదు దీపావళి పిల్లలకు గొప్ప పండుగని అందరికీ తెలుసు "వెటకారంగా అన్నాడు ప్రణవ్.
"ఎవరెవరో టపాకాయలు కాలుస్తున్నప్పుడు మా ఇంట్లో టపాకాయలు కాల్చకుంటే మా పరువు పోతుంది ప్రణవ్. ఇది మాకు దీపావళి పండుగ కాదు "
"ఏంట్రా అనిరుద్ నీవు చెప్పేది "
“ దీపావళి పండుగా మనమెందుకు చేసుకొంటాము చెప్పు ప్రణవ్ “
“ యుద్ధంలో నరకాసురుడనే రాక్షసుడిని సత్యభామ చంపినందుకు ఈ పండుగ జరుపుకొంటున్నాము అనిరుద్ “
“నేనిప్పుడు టపాకాయలు కాలుస్తున్నది ఆ దీపావళి పండుగ కోసం కాదు. మా ఇంటిలో మరో దీపావళి పండుగ జరుపుకొంటున్నాము "
“ అనిరుద్, అర్థమయ్యేలా చెప్పారా ... బ్లేడ్ వెయ్యద్దు”
“ మా నాన్నమ్మ యుద్ధంలో కరోనా రాక్షసిని చంపినందుకు మేము పండుగ జరుపుకొంటున్నాము. ఎనభై ఐదు సంవత్సరాల బామ్మ కరోనా నుండి బతికి సంపూర్ణ ఆరోగ్యవంతురాలిగా కోలుకోవడం గొప్ప అని ఆసుపత్రివారే చాలా ఆశ్చర్యంగా చెప్పారు. మా నాన్నమ్మ ఈ రోజు ఉదయం డిశ్చార్జ్ అవుతుంటే ఆసుపత్రివారంతా పెద్ద దీపావళి పండుగలాగా దీపావళి టపాకాయలు కాలుస్తూ వేడుక జరిపారు. అది చూసాక మేము ఇలా జరుపుతున్నాము “ అన్నాడు అనిరుద్
"సారీ రా నేనే తప్పుగా ఊహించుకొన్నాను .మీ నాన్నమ్మను ఎక్కడ "అన్నాడు ప్రణవ్
"క్వారంటైన్ లో ఉంది. తరువాత కావాలంటే ఫోన్ చేసి మాట్లాడు ప్రణవ్ "అన్నాడు